ජීවිතය අලුත් නිර්මාණයකින් ජයගන්න කැමතිද?

මගේ ජීවිතයේ වීරයි දෙන්නෙක් ඉන්නව. ඒ Facebook නිර්මාතෘ මාර්ක් සකර්බර්ග් සහ  Apple නිර්මාතෘ ස්ටිව් ජොබ්ස්. එයිනුත් මාර්ක් නම් ගොඩක් වැදගත් පොරක්. පොරගෙ Facebook  නිර්මාණයේ කතා දකිනකොට අමුතු උද්වේගයක් දැනෙනව. කවුරුත් දන්නවනේ ඒ film එක, The Social Network. අවුරුදු 22 වන විට පොර Facebook නිර්මාණය කරල ඉවරයි. මම ඒ අයව Follow  කරන්නෙ ඒ වගෙ ඊට වෙනස් නිර්මාණයක් කරන්න මට ආසාවක් තියෙන නිසා. ඉතින් ඒ අය ගැන විස්තර කියන්න නෙවෙයි මම මේ සැරසෙන්නෙ. එවැනි Target එකක් Follow කරන අයට වැදගත් යමක් දෙන්න.

ඇමෙරිකාවෙ මාර්ක්ලට වගේ නෙවෙයි ලංකාවෙ අපිට ඔය වගේ Target එකක් Follow කරන එක පහසු නෑ. මේ වගේ අලුත් දෙයක් කරනවනම් ඒකට English  වලින් කියන්නෙ Startup Project කියල. ඒ වගේ දේවල් සඳහා ඇමෙරිකාවෙනම් විශේෂ සංවිධාන හා ක්‍රමවේද තියෙනව උදව් ගන්න. ලංකාවෙ අපිට කොයින්ද ඕව. ඒ නිසා අවුරුදු 22 බැරිවුනත් මම මගේ Target එක Follow කරන එකනම් නවත්තනෙ නෑ.

ඉතින් Startup Project ගැන අධ්‍යනය කරන එක මගේ දින චර්යාවෙම අංගයක් වෙලා. ලගකදී Internet එකේ මේ ගැන හොයනකොට හම්බ වුනා ශිරා පොතක්. ශිරා කියල හිතනව තාම සම්පූර්ණයෙන් කියවන්න Time එකක් නම් ලැබුනෙ නෑ. ඉතින් Startup  ඒකක් ගැන උනන්දුවක් තියෙන කෙනෙකුට පුලුවන් මේ පොත කියවන්න, කියවල තමාගෙ Target එක Follow කරන්න. පොතේ නම තමා The Lean Startup කතුවරය Eric Ries. ඔහුට පින් සිද්ද වෙන්න ඕන.

මුලින්ම හොද Inovation Idea එකක් හොයාගන්න. ඊට පසුව මේ පොත කියවන්න. තව Startup  ගැන අධ්‍යනය කරන්න.කොහොම හරි සාර්තකත්වය කරා යන්න. පහල ලින්ක් එකෙන් පොත Download කරගන්න. පුලුවන් කෙනෙක් ඉන්නවනම් පොත සිංහලයට පරිවර්තනය කරන්න. ගොඩක් අයට වැදගත් වෙයි. මට Typing  වලට වෙලාව තමා නැත්තෙ. පුලුවන් වුනොත් සිංහල  Audio Book එකක් හදල දාන්නම්. ඔන්න එහෙනම් මම නවතිනව

http://www.filestube.com/b26dc57a8b058cbf03eb/go.html

Read More

SL 1st Inventors Forum.

2012.02.24 එනම් ඊයේ දින ශ්‍රී ලංකාවේ ප්‍රථම වරට Inventor Forum එකක් සංවිධානය කිරීමට Sri Lanka Inventor Commission (SLIC) එකට හැකිවුනා. දීපාල් සූරිය ආරච්චි මහතාගේ අලුත් නායකත්වයක් ඔස්සේ ශ්‍රී ලංකාවේ නවවිපැයුම් කරුවන්ගේ කොමිසම සාර්ථකත්වය කරා ගමන් කරන බවනම් මනාවට පැහැදිලි වේ. ඉහත වැඩසටහනේ සම්පූර්ණ දායකත්වය දරමින් වැඩසටහන පැවත්වීම සිදුකලේ Sri Lanka Institute of Marketing (SLIM) අයාතනයේදීය.

මෙහිදී කතාබහට භාජනය වූයේ "නව නිපැයුමක් මුදල් බවට පත් කරන අකාරයන්ය". මේ සඳහා දේශකයන් ලෙස සහභාගි වුයේ ලකී යෝගට් සමාගමේ නිර්මාතෘ ලාල් කීර්ති මහතා හා SLIM ආයතනයේ දේශකයකු වන අමිත ගමගේ මහතාත්ය. ලංකාවේ දෙසීය ගනනක් වන පේටන්ට් බලපත්‍ර ඇති නව නිපැයුම් කරුවන් පිරිසෙන් සීයක් පමණ මෙම Forum එක සහබාගි වූවා. මේ සඳහා මාද සහබාගි වූ  අතර එහිදී ලබාගත් වටිනා දැනුම් සම්බාරය ඔබ සියළු දෙනාටම දැනගැනීම පිනිස ඉදිරියේදී නාමල් යාය හරහා ඉදිරිපත් කිරීමට මා බලාපොරොතු වෙනවා.

ඒ දැනුම් ඔබගේ නව නිර්මාණයන් උදෙසාම නොව ජීවිතය සාමාන්‍ය ජීවිතයක් කරගෙන සාමාන්‍ය ජනතාව ලෙස ජීවත් වනවාට වඩා ඉහලට ගමන් කරන්න ආසාවක් ඇති සියළු දෙනාට එය වැදගත් වනු ඇත. මොකද යත් මිහිපිට මිනිසකු ලෙස ඉපදෙන ඔබට ඕනෑම දෙයක් කල හැකි මුත් ඒ ඔබ නොදන්නවා වීම ඇති ප්‍රධානම ගැටලුව වන බැවිනි.

Read More

DIY : Circuit අත් පලදනාවක්.

ඔන්න The Namal Dictionary එක හැදුවට පස්සෙ ලොකු ගේමක් දීල වෙනස්ම විදියෙ පොඩි නිර්මාණයක් කලා. මේක ලස්සනට පලදින්න පුලුවන්. අපතෙ යන දේවලින් තමා නිර්මාණය කලේ. පින්තූර ටික දැකකම කට්ටියට පැහැදිලි ඇතිනේ මොකක්ද කියල. මේ නිර්මාණය හින්ද කැමප්ස් එකේ කොල්ලො සර්කිට් කියලත් කාඩ් එකක් දැම්ම. ඒ වගේම සමාජයේ ප්‍රතිචාරත් හොදයි, මොකද මේ වගේ අත් පලදනාවක් හදාගත්තොත් මිසක් කඩේ ගන්න නෑ නේ.

හොදයි හදාගන්න ආස අයට පොඩි හෙල්ප් එකකුත් දෙන්නම්කො.
අවශ්‍ය උපාංග, බවුත් එකක්, ඊයම් සකර් එකක්, සර්කිට් බෝඩ් ග්‍රිල් එකක්, වයර් අඩියක් පමන, ඊයම් වයර්, පීරක්, තව හොඳ සර්කිට් බෝඩ් එකක්. මම නම් මේකට භාවිතා කලේ පරිගනක පවර් සප්ලයි එකක සර්කිට් බෝඩ් එක.

පහල රූපයේ කපාගත් කොටස් වල පින්තූර ටික පේනව. කොටස් කපාගන්න කලින් සර්කිට් බොඩ් එකේ උපරිම ලෙස කොටස් ගන්න පුලුවන් ලෙස සැලසුම් කරගන්න. ලොකු උපාංග තියේනම් ඒව ඉවත් කරලත් බලන්න. කපාගත් කොටස් වල සයිස් පහත රූපයේම තියෙනව. තමාගෙ අතේ වටප් ප්‍රමානය අනුව කොටස් ගනන සකසාගන්න. මම  හදපු එකේනම් කොටස් හයයි තියෙන්නෙ. වටප් ප්‍රමානය ගන්න වයර් එකම බාවිතා කරන්න. යම් තරමක හිඩසක් පවතින ලෙස එම වයර් එකේ දිගට කොටස් ටික තියල පාස්සගන්න කලින් බලන්න.

කොටස් අමුනන වයර් කැබැල්ලක දිග 1.2 cm පමණ හොඳයි. වයර් සිදුරු වලට දමා පාස්සද්දි කම්බි පමණ නොව වයර් එකේ රබර් කොටසත් එක්කම පාස්සගන්න නැතිනම් වයර් එක ඉක්මනට කැඩෙන්න ඉඩ තියෙනව. පාස්සන වයර් සඳහා පුලුවන් නම් නෙට්වර්ක් කේබල් කෑබැල්ලක් හොයාගන්න පුලුවන්නම් හොඳයි. මොකද කල් පැවැත්ම වැඩියි නෙ. අතේ පැලදගන්න පහසු වෙන්න රූපයේ පරිදි කෙලවර කොටසට ලොකු සිදුරු දෙකක් තබන්න. අනිත් කෙලවරේ යම් තරමක් දිග වයර් කැබැලි දෙකක් ඉතුරු කරන්න. කපාගත් කොටස් වල මුලු පීරකින් අතුල්ලා රවුම් කරගන්න. ඒ වගේම ඊයම් තබා පාස්සගන්න ක්ලින් ඊයම් තබන ලද කොටස් වල කම්බි අඬුවකින් කපා පීරකින් අතුල්ලා සුමට කරගන්න.
පහත රූපයේ දැක්වෙන්නේ එලෙස ඉවත් කල යුතු කම්බි කොටස් සහිත යටි පැත්තයි.

කොටස් වල සිදුරු හදාගන්න ග්‍රිල් එකක් නැතිනම් කුඩා ඇණයක් යොදාගන්නත් පුලුවන්. හැබැයි ටිකක් මහන්සි වෙන වැඩක් ඒක.

හොඳයි එහෙනම් හදාගන්න කට්ටියට යාළුවන්ගෙන් ලැබෙන ප්‍රතිචාර එහෙම කමෙන්ට් කරන්නකෝ.

Read More

පේටන්ට් බලපත්‍රයක් ගන්න ආකාරය

Post එකක් දාන්න දෙයක් කල්පනා කර කර ඉන්නකොට මතක් වුන දෙයක් නෙවෙයි මේක. 

මම මේ අත්දැකීම විදිද්දි මට හිතුන මේ ගැන හරියාකාරව දැනසිටියනම් කොච්චර පහසුද කියල.

ඉතින් පේටන්ට් බලපත්‍රයක් ගන්න ආකාරය ගැනකියන කොට ඉස්සෙල්ලාම දැනගන්න ඕනෙ 

කොහෙන්ද මේ බලපත්‍ර දෙන්නෙ කියල. ජාතික බුද්ධිමය දේපල කාර්යංශය(NIPO) මගින් තමයි පේටන්ට් 

බලපත්‍රයක් ගන්න පුලුවන් වෙන්නෙ.

මේ ආයතනයෙන් තව වෙළඳ සංකේත රෙගිස්ටර් කිරීම සහ අනෙකුත් බුද්ධිමය දේපල සම්බන්ද 

කටයුතුද කරනු ලබයි.

 මේ ආයත්නයේ කර්යාලය තියෙන්නෙ මරදානෙ ගාමිණී හෝල්

 හන්දිය කියන ස්ථාන්ය අසල පිහිටා ඇති සමාගම් මැදුර කියන මහල් ගොඩ්නැගිල්ලෙ තමයි.  

හොද්යි කියන්න තියෙන විශේෂම දේ තමයිපේටන්ට් බලපත්‍රයක් ගන්න, තමාගේ අදහස නිර්මාණ කිරීම කලයුතුම නෑ. අදහස පැහැදිලිව ඉදිරිපත් කිරීමයි වැදගත් වෙන්නෙ. තමන්ට නවනිපැයුමක් පිළිබදව අදහසක් පැමිනි පසු එය ඇත්තටම නව නිපැයුමක්ද කියන ප්‍රශ්නය තමයි ප්‍රධාන වෙන්නෙ. 

මේ බව තහවුරු කර ගැනීමට ඔබට පුලුවන් ඉහත සඳහන් කල ආයතනයට ගොස් රු.350/= පමණ මුදලක්  බැඳ NIPO ආයතනයේ තොරතුරු පිරික්සීමට මෙන්ම අනෙකුත් උපකාරද ලබාගත හැක.තොරතුරු පිරික්සීම් සඳහා ඔබට ඔවුන් උදව් කරනු ලැබේ.

එසේම එම ආයතනයට නොගොසින් ඔබට පේටන්ට් බලපත්‍ර පිළිබඳ තොරතුරු ඇති වෙබ් සයිට් වලින් 

තමාගේ නිර්මාණය නව නිපැයුමක්ද කියල දැනගන්න පුලුවන්. නමුත් මේ වෙබ් සයිට්වල තොරතුරු 

සොයාබැලීම කොපමන දුරට ආරක්ෂිතදැයි කියන්න නම් දන්නෙ නෑ. නමුත් මට මේ ලින්ක් ටික ලබා 

දුන්නෙ ජාතික විද්‍යා පදනමේ මහාචාර්ය වරියක්. නමනම් දැන් මත්ක නෑ. ඒ මැඩම්ට ස්තුති වෙන්න 

ඕන ඒත් නමනම් දැන් මත්ක නෑ.

http://namaljayathunga.blogspot.com/2011/07/how-do-you-know-your-invention-is-new.html

ඔබට NIPO ආයතනයෙන් පේටන්ට් බලපත්‍රය ගැනීමට අයදුම්පත්‍රයක් 

ලබාගතහැකි අතර පහත සඳහන් ලිපිනයෙන්ද ගතහැක. ඔබගේම නිර්මාණයකට පේටන්ට් බලපත්‍රය 

ගන්නේනම් එහි සියළුම තොරතුරු පිරවීමට අවශ්‍ය නොවන අතර මගේ දැනුම අනුව පිරවීමට අවශ්‍ය 

නොවන තොරතුරුවලට අදාල අංක පහත සඳහන් කර ඇත.

v,   vii,   ix,   x, and   xi

පේටන්ට් බලපත්‍රය ගැනීමේදී මුදල් බැදීමටද ක්‍රම කීපයක් ඇත.

ඉල්ලුම්පත් ගාස්තුව 

01.ශිෂ්‍යයන් සඳහා රු1,000/= 

02.තනි තැනැත්තකු සඳහා රු.2,500/= 

03.වෙනත් රු.6,000/= ලෙස ගෙවිය යුතුය.

එසේම සියළු දෙනාම සොඅදිසි වාර්තාව සඳහා රු.1,000/= ක මුදලක් ගෙවිය යුතුය.

තවද වැට් බද්ද ලෙස 15% ක මුදලක් ද ගෙවියයුතුය. ඒ අනුව ශිෂ්‍යකු සඳහා මුළු මුදල 

ලෙස රු 2,300/= ක මුදලක් ගෙවිය යුතුය.(මට ආරංචි වුන පරිදි ඉස්සර මේ වැඩේට 

රු 20,000 ක් පමණ ගෙවීමට සිදුවී ඇත)

සෝදිසි වාර්තාව කියන්නෙ මොකක්ද දන්නවද අපගෙ අදහස ඇත්තටම නව නිපැයුමක්ද කියල 

සොයාබලල දෙන වාර්ථාවට තමයි එහෙම කියන්නෙ. ඒ හින්ද අපගේ අදහස පිළිබඳව නිවැරදි, පැහැදිලි 

වාර්තාවක් අප විසින් ඉදිරිපත් නොකලොත් සෝදිසි කරන්න විසින් අපගේ වාර්තා අයදුම්පත ප්‍රතික්ෂේප 

කලහැක. නමුත් එසේ කරන්නට පෙර අපගේ අඩුපඩු සකස් කරන ලෙස ඔහුවිසි කියන්නටද ඉඩතිබේ. 

කෙසේ හෝ අයදුම්පත ප්‍රතික්ෂේප වුවහොත් ඔබට අභියාචනාවක්ද ඉදිරිපත් කලහැකිය. ඔබගේ අදහස 

සඳහා පේටන්ට් ලැබී ඇත්නම් ගැසට් පත්‍රයක් මගින් ප්‍රසිද්ධ කරන අතර ගැස්ට් පත්‍රය ඔබගේ නිවසටම 

ලැබෙනු ඇත. පේටන්ට් බලපත්‍රය ප්‍රතික්ෂේප වී ඇත්නම් එයද දන්වනු ඇත. ගැස්ට් පත්‍රය මගින් ඔබට 

පේටන්ට් බලපත්‍රය ලැබෙනබව දන්වා ඇත්නම් මාස 3ක් ගෙවීගිය පසු ඔබේ නිවසටම පේටන්ට් බලපත්‍රය 

ලැබෙනු ඇත.

දන්නවද පේටන්ට් බලපත්‍රය අයිති කෙනාට විශ්වවිද්‍යලයට පිවිසීමට z අගය සඳහ 0.2ක ලකුණු ප්‍රමානයක්ද 

ලබාගතහැක (0.2 කුඩා අගයක් වුනාට z අගයට එකතුවනවිට එය විශාල ලකුණු ප්‍රමානයකි.)

ඉතින් අවසානයේදී කියන්න තියෙන්නෙ මට පේටන්ට් බලපත්‍රය ගැනීමට උදව් කල ජාතික විද්‍යාපදනමේ 

අචාර්ය්‍ය තමරා ඩයස් මහත්මියටත්, NIPO ආයතනයේ සියළු දෙනාටත් මගේ ස්තුතිය පුදකරන බවයි. 

(මම පේටන්ට් බලපත්‍රය ගන්න ගියේ හම්බන්තොට සිටය. ඉතින් කාපු කට්ට ගැන කියනවනම් ඉතින් 

තව බ්ලොග් එකක් ලියන්න වෙනව.)  

මෙන්න NIPO ආයතනය සම්බන්ධ කරගන්න පුලුවන් ක්‍රම ටික.

ලිපිනය:-

         "සමාගම් මැදුර", 

         3වන මහල, අංක 400, 

         ඩී.ආර්.විජයවර්ධන මාවත, 

         කොළඹ 10.

Tel:  011-2689368, 011-2688768, 011-2669180.

Fax: 011-2689367

E-mail: nipos@slt.lk

web : www.nipo.gov.lk

Read More