ටෙක්කතා අසන්නන්ගේ උපකාර

Tehkaha Desktop කියන්නෙ අපේ සහෝදරයකුගෙ අතින් නිර්මාණය වුන ඔයාල කාටත් වැදගත් වෙන අපූරු නිර්මාණයක්. ඒ සඳහා අයිඩියා එක ලැබුනෙ මම නිර්මාණය කරපු techkatha Offlner එක කියල දැනගන්න ලැබීමත් බොහොම සතුටුයි. ඉතින් මේක නෙවෙයි අද මාතෘකාව.

අද මම Tehkaha Episode 97 බාගන්න කියල Tehkaha සයිට් එකට ගියාම දැක්ක සයිට් එකේ අලුත් වෙනසක්. ඒකනම් ඔයාලත් දකින්න ඇති "ටෙක්කතා අසන්නන්ගේ උපකාර" මේ යටතේ තිබ්බෙ මම ඔය සඳහන් කරල තිබ්බ සොෆ්ට්වෙයා දෙකට සැබැදුම් තමයි. ඉතින් මේ මගින් අපගේ නිර්මාණ සමාජයට ගෙනියන්න මහගු අත්වැලක් වෙනව.

මම නිතරම ආස කරන්නෙ මම කරපු නිර්මාණයකින් සමාජය ප්‍රතිඵල ගන්නව දැකීමයි. ඒ හින්ද මම මේ ලිපිය ලියන්නෙ techkatha Offlner හදපු වෙලාවෙ Techkatha කරන අයියලා මට ස්තුති කලාට සහ ඉහත කිව්ව විදියට අපගේ නිමාණ වලට ඉඩක් වෙන් කිරීමත් වෙනුවෙන් ටෙක්කතා කරන සියළුම අයියලාට ස්තුති කරන්නයි.

Read More

university යන්නටත් පෙර යුනිවර්සිටියකදී ගුටිකෑවා.

ලැජ්ජයි ලැජ්ජයි කියන්න නම්, ඒත් ඉතින් කට්ටියට කැම්පස් සංස්කෘතිය පිළිබඳ ගන්න දේවල් ටිකක් මෙහි තියෙයි. ඒ හින්දම කියනව.

බ්ලොග් අවකාශයේ ඔයාල දන්නවනේ මම නවනිපැයුම් කරුවෙක් බව. ඉතින් පොඩිකාලේ ඉදල තියෙන ඒ උන හොඳ කරගන්න මොනවහරි හදාගෙන කම්පෙටිශන් වලට යන එක තමා රාජකාරිය. 2009 උ\පෙ කරල ඉන්න ගමන් හිතුන උ\පෙ හින්ද නවත්වල දාපු වැඩකිඩ ආයිත් පටන්ගන්න ඕන කියල.
මේ සිද්දිය උනේ මොරටුව කැම්පස් එකේදි. ඒ පත්තරේක තිබුන ඉනෝමෙච් 2009 කම්පෙටිශන් එක පවත්වනව කියල. මේ තරඟාවලිය සංවිදානය කරල තිබුණෙ මත්ක විදියට. යාන්ත්‍රික විද්‍යාපීඨයෙන්. පාසල් අංශයෙන් සහබාගි වෙන්න පුලුවන් අවසාන අවස්තාවත් ප්‍රයෝජනයට ගත්ත. කලබලේම හදාගත්තු ගැජමැටික් එකකූත් අරගෙන ගියා මොරටු. ඔයාල දන්නවනේ මම තංගල්ලේ ප්‍රදේශයෙ බව, නමුත් සුපුරුදු තැනක් නිසා තනියම තමයි ගියෙ. නැන්ද කෙනෙක්ගෙ ගෙදර තමා මම නවතින්නෙ.

ඔන්න ඉතින් දවස් දෙකක් තිබුණ එක්සිබිශන් එක අවසානෙ තමා කම්පෙටිශන් එක තියෙන්න තිබ්බේ.
එක්සිබිෂන් එක අවසන් වෙනකොට රාත්‍රී 8.00 විතර වෙනව. ඔන්න ඉතින් පාසල් ඇදුමින් සැරසිලා උදෙන්ම මොරටු ගිය කොල්ල හෙම්බත් වෙලා 8.30ට විතර බඩුටික පැක්කරල දාල පොර වගේ එක්සිබිෂන් එක බලල නිවෙස් බලා යන ජනතාව පීරගෙන ගේට්ටුව අසලට එනව. ඔන්න එනකොට කොල්ලො දෙන්නෙක් එනව මම ඉදිරයට, ඇවිත් කියනව මචන් ජොයින්ට් එකක් ගහන්න රු 50ක් දීපන්කො කියල. (අම්මට උඩු මේ මොකුන්ද?). මමත් ඉතින් ශේප් වෙන්න බලාගෙන උඩ සාක්කුවට ඇහැ දාල බැලුව කීයක් හරි තියේනම් දෙන්න. "නෑ සතයක්වත් නෑ" මම කිවුව. බොරු කියන්න එපා ගනින් බලන්න පර්ස් එක.
හරි හරි උන් කියන්න ඕනද ඒක මමත් දන්නව. ඒත් පර්ස් එක ඇද්දම ඒක අරන් දිවුවොත් මොනව කරන්නද. "මචන් බස් එකේ යන්න විතරයි තියෙන්නේ" මම කිවුව. දැන් මුන් දෙන්න කුණුහරුපත් කියනව මම බය කරන්න. මේ වෙන දේවල් බල බල මිනිස්සුත් සෑහෙන්න පිරිසක් ගානක් වත් නැතිව යනව. අපේ පැතිවලනම් එහෙම දෙයක් වෙනකොට ඒ දේ වලක් වන්න මිනිසුන් ඉදිරිපත් වෙනව. මොනව කරන්නද මේ කොළඹ නේ. මම තනිය ප්‍රශ්නෙට මුහුන් දෙනව. මේ වනකොට කැම්පස් වලින් අත්විදින්න පුලුවන් සොදුරු දේවල් විතරයි අහල තිබ්බෙ,

ඒ වගෙම මමත් නාහෙට අහනෙ නැති එකා නිසා මුන් දෙන්නගෙ තර්ජනය මැඩලන්න කියන්න පුලුවන් ඔක්කොම කියල "පුලුවන් දෙයක් කරපන් කියල" බස් හෝල්ට් ඒට ආව. එතනත් සෙනග අඩුවක් නෑ. වැඩිවෙලාවක් ගියේ නෑ එතනට දුවන් ආපු පොරක් අත මිටි කරල මූණට ගැහුව පාරක් නිසා මම විසිවෙලා ගිහින් ඇදගෙන වැටුන. ඒත් එක්කම ආපු කේන්තියෙන් නැගිටල බලන්නකොට ඌ එතන නෑ.( වෙලාවට ඌ එතන හිටියෙ නෑත්තෙ. මොකද නැත්නම් මට එන්න වෙන්නෙ අතපය එල්ලගෙන තමා). කොහොම හරි මම සංවිදායල්ක මඩුල්ලෙ අයිය කෙනෙක්ට කීවම ඌ කියනව "මචන් අනිත් පීඨවලින් මේ වගේ දේවල් කරනකොට වලියක් දාගන්න මොනව හරි කරනව" කියල

කොහොමින් කොහොම හරි බස් එකකට නෑගගෙන බම්බල පිටියට එන්න පිටත් උනා. එතකොට 9.30 විතර වෙලා. බස් එකේදී මේ දේවල් ගෑන හිත හිත එනකොට මම තනිවීම ගැන සහ ඇතිවුන කල කිරීම නිසා දන්නෙම නෑතුව ඇඬුන. පොඩ්ඩක් නේවෙයි හොඳටම ඇඬුන. අනිත් මඟීන්ට පේනවට ඔලුව බිමට හරවගෙනගලාගෙන ගලාගෙන ගිය කදුලුවලට නිදහස් වෙන්න ඉඩ හැරිය. බම්බල පිටියට එනකොට මගේ මූණ රතුවෙලා. දැන්ම නැන්දලගෙ ගෙදර යන්න බෑ වගේ. මූන ටිකක් හොදගෙන පිළිවෙලකට යන්න ඕන කියල හිතාගෙන ගියා තිඹිරිගස්යායට. බුදු අම්මෝ එක එක ජාතියෙ අක්කල එක එක විදියට මාව කන්න වගේ පේමන්ට් එක දිගේ බලාගෙන ඉන්නව. ඉක්මනට හොටලයකට ඇතුල් උනා. යොකෝ පාර හොඳයි වගේ. වෙලාවට පාසල් ඇදුමෙන් හිටියෙ. තව මොන් මොන මරාල ඇගට එයිද දන්නෙත් නෑනේ. ඒ හින්ද ආපු වැඩේ අතැරල දාල ආව.

පසු කාළෙකදි මම මොරටුව කැම්පස් ආපු මගේ යාලුවෙකුට මේ සිද්දිය කීව. ඌ මට කිව්වෙ සල්ලි ඉල්ලපු වෙලාවෙම සල්ලි නේද කියල අත් දිග ඇරල පාරක් ගැහුවනම් ආයි හොයාගන්නවත් නෑ කියල. ඒකනම් ඇත්ත මමත් දැන් කැම්පස් හින්ද දන්නව ඇතුලෙ ක්‍රමේ. කැම්පස් සෙලෙක්ට් වුනාට පස්සේනම් නාහෙට අහන්නැති වැඩකරල ඕනතරම් අයියලාගෙන් ගුටිකාල තියෙනව. දැන්නම් ඒ දේවලට ඇඬුවත් ඇඬෙන්නෙ නැති තරමට පුරුදු වෙලා. මට ඔයාලට කියන්න තියෙන්නෙ ගනුදෙනු කරන සමාජ ක්‍රමය පිළිබඳ නිතරම ටච් එකේ ඉන්න කියල.

Read More

VMware Portable App වල Splash Screen එක ඉවත් කරන ඕනිද?

ලිපියක් දාන්න හිතුන හැබැයි විශේෂ අවස්තාවක. හොස්ටල් එකේදි බල්ටියක් ගහල නිකට පලාගෙන, හක්කෙ දතක් කුඩුකරගෙන, මැහුම් පහක් සහ මෙඩිකල් එකක් දාගෙන ගෙදරට වෙලා ඉන්න ගමන්. 
Techkatha-1.0-Portble එක රිලීස් කරල University එකට ගියා විතරයි මතක.

හොඳයි දැන් වැඩේට බහිමුකෝ. Portable Software හදන්න ආස අය VMware ThinApp Use කරගෙන Portable Software හදල ඇති නේ. එහෙම හදපු Sotware එක ලෝඩ් වෙද්දි මේ වගේ වින්ඩෝ එකක් SystemTray එක ලඟ එනව දැකල ඇති නේ.

මම අද කියන්න යන්නෙ කොහොමද මේ වින්ඩෝ එක අයින් කරගන්නෙ කියල.

මම මේ දේ කලේ VMware ThinApp Enterprise 4.6.1-361923 Version එකට. Virsion 3 වලට ඉදලම මේ දේ කරන්න පුලුවන් මම හිත්න්නෙ.

මෙහෙමයි කරන්නෙ.



1. Go into Folder Options, enable 'hidden files'.


2. “C:\Users\%Username%\AppData\Roaming\Thinstall” Folder එක හොයගෙන Minimize කරල තියාගන්න.


3. Start > All Program > VMware > Start 'ThinApp Log Monitor' > Click 'Browse' > Navigate to 'C:\Programs files\VMWare\VMWare ThinApp'.


4. In 'File Name' enter *.*, and press Enter. Lots of files should appear. Right-click on 'tlink.exe' and select 'Properties' tab.


5. Minimize කරපු 'Thinstall' folder එක  Maximize කරගන්න and you will now see 'ThinstallBuilder' folder. Navigate to 'ThinstallBuilder\%ProgramFilesDir%\VMware\VMware ThinApp' and find 'tlink.exe'.


6. දැන් Resource Hacker එකක් කරන්න තියෙනව. නමුත් මම ඒක කරල 'tlink.exe' File එකක් හැදුව. ඒක මම ඔයාලට දෙන්නම්. අවශ්‍ය නම් ඔරෙජිනල් ෆයිල් එකේ Copy එකක් අරගෙන මම දීපු ෆයිල් එක එතනට Replace කරන්න. 

Download ‘tlink.exe’

වැඩේ ගොඩ. ලස්සන පෝටබල් හදල අපටත් දෙන්නකෝ.
If You Comment in hear, Tank’s Very much.

Read More

techkathaOffliner 1.0 – Portable

             ඔන්න යාළුවනේ සුබ ආරන්චියක් අරගෙන තමයි ආවෙ. ඔයාල දන්නවෙන techkathaOffliner වැඩසටහන ගැන, අද මම ආවෙ එහි පොර්ටබල් වැඩසටහන අරගෙන. ඒ විතරක් නෙවෙයි එහි අලුත් Fetchers රාශියක්ම Add කරල තියෙනව. ඒ වගේම කලින් වැඩසටහනේ තිබ්බ ගොඩක් Errors එහෙමත් හදල තියෙනව.

කලින් වැඩසටහනට යොදාගත්තු යුනිකෝඩ් කොන්ට්‍රෝල එක ඩිමෝ වැඩසටහනක්. ඉක්මනට සෙටප් එක දෙන්න ඕන හින්ද techkathaOffliner එක Run කරන්න වුනේ පසුගිය දිනයක් ලෙස. ඒත් සමහර PC වල වර්තමාන දිනය හරියාකාරව සැකසුනේ නෑ. එහෙම පරන දිනයක් PC එකේ තියනකොට සමහර වෙබ් පේජ් ලෝඩ් වෙන්නෙ නෑ කියල දන්නවනේ. Portable වැඩසටහන පසුගිය දිනයක් ලෙස Run වෙන්නෙ නෑ. ඒ හින්ද ඒ ගැටලුවත් විසදිලා. කලින් ලිපියෙන් දීපූ සෙටප් ෆයිල් එක Beta Virsion එකේ සිට Full Virsion එකට මාරු කලා. කැමතිනම් එතනින් techkathaOffliner-1.0 Setup File එක Download කරගන්න පුලුවන්.

මම පෝර්ටබල් එක තමයි ඔයාලට මුලින්ම දෙන්න කියල හිතාගෙන හිටියෙ. ඒත් පොඩි පොඩි ප්‍රශ්න කීපයක් තිබ්බ (අම්මෝ, වින්ඩෝස් 7 වලටත් වැඩකරන විදියට පෝටබල් එක හදන්න ගිහින් ඔක්කොම එපාවුනා වගේ, ඉදිරියෙදි ඒ අත්දැකීමුත් බෙදාගන්න එකතුවන්න). ඒ ටික විසද විසද ඉන්නකොට University එකේ ලෙක්චර්ස්ලගෙ වැඩවර්ජනය ඉවරවෙලා University පටන්ගන්නව කියල ආරන්චිය ආව. ඊටපසෙදි ඉතින් වැඩ ගොඩගැහෙනවනේ. ඒ අස්සෙ techkathaOffline ඔයාලට දෙන්න පරක්කු වෙයි කියල හිතල Setup File එක දුන්නෙ. නමුත් පෝටබල් වැඩසටහනටන් වලටනම් කවුරුත් කැමති ඇති. මමත් එහෙමම තමයි. Install කර කර ඉන්න නම් අකමැතියි. මේ වැඩසටහ ඩවුන්ලෝඩ් කරගත්තම ඔයාලට හැමදාම ඩවුන්ලෝඩ් කරගත්ත Techkatha Episode සමගම තියාගන්න පුලුවන්නෙ. ඕන වෙලාවක Use කරන්න පුලුවන්.

මෙම පෝටබල් වැඩසටහන දෙන්න සෑහෙන්න කල් යයි කියලයි හිතුවෙ. නමුත් කමෙන්ට් කරපු අය මාව දිරිමත් කරන්න දීපු ප්‍රතිචාරවලින් මට හිතුන ඉක්මනින්ම පෝටබල් එකත් දෙන්න ඕනෙ කියල. ඒ සඳහා මට ලැබෙන සෑම විවේකයක්ම යෙදෙව්ව කීවොත් නිවැරදියි.

මුලින්ම techkathaOffliner වැඩසටහන ගැන දන්නෙ නැත්නම් දැනගෙන ඉන්න.

මෙන්න අලුත් Fetchers ටික.

• කීබෝඩ් එකේ “N” Press කිරීමෙන් Next Record එක Play කරන්න පුලුවන්.
• “B” Press කිරීමෙන් පෙර Record එක Play කරන්න පුලුවන්.
• “P” Press කිරීමෙන් Play/ Pause කරන්න පුලුවන්.
• Up / Down Arrow Key මගින් ලිස්ට් එක තුල උඩට / පහලට යන්න පුලුවන්.
• Space Bar එක මගින් list එකේ Record Select/ Deselect කරන්න පුලුවන්.
• Ctrl + Enter මගින් එම Record එකට අදාල Web Page එක බලන්න පුලුවන් (එහි ඇති කමෙන්ට් කියවීමට).
• Shift + Enter මගින් “Play Selected” Command එක දෙන්න පුලවන්.
• Left/Right Arrow Key මගින් Play Record වන එකේ ඉදිරියට ගමන් කරන්න පුලුවන්.(මෙවිට Mouse Pointer එක ඇත්තේ ලිස්ට් එක මතනම් 5 Second වලින් ඉදිරියට ගමන් කරන අතර Mouse Pointer එක ඇත්තේ ලිස්ට් එක මත නොවේ නම් 1 Second වලින් ඉදිරියට කරයි ). මවුස් ස්ක්‍රෝල් එකත් ඒ සඳහා යොදාගන්න පුලුවන්.
• Play Selected විදානය දුන් පසුද Select කරන ලද Record බැලීම සඳහා Scroll කිරීමට “< / >” Button දෙකක් ඇත.
• ටෙක්කතා වල කතාකරන ලද මාතෘකා වලින් තමන් කැමතිම Item ටික Favorite ලෙස Add කරගන්නට පුලුවන්. ඒ සඳහා ඔබට අවශ්‍ය Records ටික සෙලෙක්ට් කර ලිස්ට් එක මත Right Click කිරීමන් ලැබෙන Add Selected to Favorite විදානය මත ක්ලික් කරන්න. එසේ Favorite වලට ඇඩ් කරන ලද Records බැලීම සඳහා techkathaOffliner Icon එක මත ක්ලික් කරන්න. එම ලිස්ට් එකෙන් ඔබට අනවශ්‍ය එකක් Delete කිරීම සඳහා ඒවා Select කර ලිස්ට් එක මත Right Click කිරීමන් ලැබෙන විදානය මත ක්ලික් කරන්න.

කොහොමද ස්තාපනය කරගන්නෙ.

මුලින් techkathaOffliner-Portable.rar ෆයිල් එක ඩවුන්ලෝඩ් කරගන්න. ඔබට අවශ්‍ය තැනක කැමති නමකින් ෆෝල්ඩරයක් සකසා ඩවුන්ලෝඩ් කරගත්තු techkathaOffliner-Portable.rar ෆයිල් එක එයට කොපි කරගන්න. පසුව එය මත රයිට් ක්ලික් කර Extract Hear කරන්න. 

            ඉන්පසුව ඔබ ඩවුන්ලෝඩ් කරගත්තු සියළු ටෙක්කතා එපිසොඩ් ටික එහි “Episode” Folder එකට කොපි කරගන්න. කලින් ලිපියේ සඳහන් විදියටම එපිසොඩ් ටික නාමකරනය කරගන්න.

ඔයාල ram Format එකන් එපිසොඩ් ඩවුන්ලෝඩ් කරල තිබේනම් ඒවා Play වීම සඳහා PC එකේ Player එකක්ද Install කර තිබිය යුතුය. එසේ නැතිනම් techkathaOffliner මගින් එම Episode Play නොකරයි. ram File Support  කරන Player එකක් Install කරල නැතිනම් RealAlternativ Player එක ඩවුන්ලෝඩ් කරගන්න.

දැන් Run කරන්න සියල්ල සූදානම්.

මේ සමගම කියන්න ඕනෙ මම හදපු ඩේටබේස් එක ඕනකෙනෙක්ට ඕන වැඩසටහනකට යොදාගන්න පුලුවන්. එය rar ෆයිල් එක තුල අඩංගු වෙනව.

මම වැඩසටහන අත්හදාබැලුවෙ Windows 7 / Windows Xp Virtual PC එකක. ඒ හින්ද සාර්ථක/ අසාර්ථක බව කියන්න පුලුවන්නම් බොහොම ස්තුතියි.

ඉතින් මේ වගේම ඔයාලට ගොඩක් වැදගත් වෙනස්ම Software දෙකකින් ඔයාල හමුවෙන්න බලාපොරොත්තු වෙනව. ඔයාලගෙ කමෙන්ට් මෙම වැඩසටහන් දියුණු කරන්න වැදගත් වෙනව. අමතක නොකර හොඳ/වැරදි/චෝදනා/නව අදහස් මොනව හරි Comment කරල යන්න පුලුවන් නම් බොහොම ස්තුතියි (Comment සිස්ටම් එක ගැනදන්නෙ නැත්ද).

On Facebook NamalYaya.
Thanks...

Read More

ටෙක්කතා; වැදගත්ම ලිපියට පසුව.

ඔන්න ඉතින් techkathaOffliner රිලීස් කරල සති තුනකට විතර පසුව තමයි මේ පෝස්ට් එක දාන්න ටයිම් හොයාගත්තෙ. ඉතින් ඔන්න මම මේ ලිපියෙන් බලාපොරොත්තුවන්නෙ කෙටියෙන් ටෙක්කතාඕෆ්ලයිනර් රිවීව් ටිකක් ගෙන එන්න. මුලින්ම කියන්න ඕන කවුරුත් දන්නවනේ techkathaOffliner ගැන techkatha 90 වෙනි වැඩසටහනේ කතා කලා. ඊට පසුව techkatha 91 වැඩසටහනට මටත් සහබාගි වෙන්න ලැබුන. නමුත් මයික් එකේ දෝශයක් හින්ද ඔයාලට ඒ කතාකල දේවල් පැහැදිලිද මන්ද. බොහොම ස්තුතියි ඒ වෙනුවෙන් කාලිංග අයියා ප්‍රමුක අයියල සෙට් එකට.

මෙන්න රිවීව් ටික (මුල් සති තුනක කාලය සඳහා.)

ලොව වටා ඩවුන්ලොඩ් කරගැනීම්.















techkathaOffliner ලිපිය කියවන්න ආපු පිරිස  (මුල් සති තුනක කාලය සඳහා.) = 761


                                      2011.07.23                      2011.08.13
Followers                               6                                     17
Facebook like                        1                                     32
Page view                           2075                                3785

මෙම කාලය තුල කමෙන්ට් 31ක් ලැබී තියෙනව. කමෙන්ට් සිස්ටම් එක වෙනස් වෙච්චි නිසා කමෙට් කිරීමට කම්මැලි වුන අයත් ඉන්නව. මේ කමෙන්ට් සිස්ටම් එක දැම්මෙ ඔයාලගෙ පහසුව බලලම තමයි. මොකද යම් යම් ගැටලු මතුවුවහොත් එම ගැටලු වලට විසදුම කමෙන්ට් එකක් දැම්ම අයට නිරතුරුව දැනගන්න ලැබෙන නිසා. මෙම් කමෙන්ට් සිස්ටම් එක ගැන දීප්'ස් අක්කිත් හොද ලිපියක් දාල තිබ්බ.

එක් අවස්තාවකදි මේ හරහා කමෙන්ට් කරාම වෙනත් සයිට් එකක ඇති මේ කමෙන්ට් සිස්ටම් එකකට වුනත් පහසුවෙන් කමෙන්ට් කරන්න පුලුවන්.

කොහොම වුනත් කමෙන්ට් කරපු අයට බොහොම ස්තුතියි. ඒ අය මාව දිරිමත් කෙරෙව්ව ඔයාලට තවත් වැදගත් දේවල් ගෙන ඒමට. ඉතින් ඒ අයට ස්තුති වෙන්න මම techkathaOffliner Portable වැඩසටහන ඉක්මන් කරන්න තීරනය කරල ලැබෙන හැම විවේකයක්ම ඒ වෙනුවෙන් යෙදෙව්ව. ඉතින් ඇතිවුන ගැටලු ඉක්මනින් විසදගන්න පොට පෑදුනා කීවොත් නිවැරදියි. ඉතින් මම ඊලගට එන්නෙ ඔයාලට එම ප්‍රතිඵලය අරගෙන තමයි. ඒ වැඩසටහනේ තව ගොඩක් ෆීචර්ස් ඇඩ් කලා. තිබුන Errors සැකසුව.

ඒකෙන් පසුවත් ඔයාලට සෑහෙන්න වැදගත් සොෆ්ට්වෙයා 2ක් විතර දෙන්න හිතාගෙන ඉන්නව. මේකෙන් පසුව ඒ ප්‍රොජෙක්ට්ස් පටන්ගන්න කියල තමයි හිතාගෙන ඉන්නෙ. එහෙනම් බොහොම ස්තුතියි මාත් එක්ක රැදිල උන්නට.
ඉදිරියෙදි හමුවෙමු.

Read More

techkathaOffliner

ඔන්න එහෙනම් කවුරුවත් දන්නෙ නැති නිවුස් එකක් තමයි කියන්න යන්නෙ. මේ සොෆ්ට්වෙයා
එකක් ගැන නිවුස් එකක්. කවුරුවත් දන්නෙ නැති සොෆ්ට්වෙයා නිවුස් එකක් කොහෙද කියල
කට්ටිය බලනව ඇති නේ. මේ සොෆ්ට්වෙයා එක ගැන කියනවනම් නම තමයි techkathaOffliner [ටෙක්කතාඕෆ්ලයින(ර්)].

[කවුරුත් ටෙක් කතා ගැන දන්නවනේ. (දන්නැත්ද:- www.techkatha.com කියන්නෙ අපිට පරිගනක ගැන මතුවන ගැටලුවලට විසදුම් ගන්න පුලුවන් කමියුනිටි එකක්. )]

techkathaOfflinner වැදගත් වෙන්නෙ හිතුණු හිතුණු වෙලාවා ඉන්ටර්නෙට් යන්න බැරි අයට තමයි එහෙම කියල නොකියව ඉන්න එපා. ඔයාලගෙ නෙට් පැකේජ් එකේ ඩේට ඉතිරි කරගන්නත් කාලය ඉතිරි කරගන්නත් මේක වැදගත් වෙයි.

කරන්න පුලුවන් දේ කිවුවොත් මෙහෙමයි. ඔයාලට විසඳගන්න බැරි පරිගනක ගැටලුවක් මතුවුනොත් මතක්වෙන එකම තැන ටෙක්කතානේ. ඉතින් ඒ ගැටලුව කලින් කතාකරපු ගැටලුවක් නම් ටෙක්කතා සයිට් එකේ සර්ච් කරල විසඳුම අහන්න පුලුවන්නෙ. ඉතින් මේකට ඕනවෙලාවට නෙට් යන්න පුලුවන්වෙනන් ඕන. ඒවගේම වැඩේට ඩේට කොහොම වැයවෙයිද දන්නෙත් නෑනේ. තව ටයිම් එක හොයාගෙන සීක් කර කර ඉන්නත් එපාය නේ. කොහොමවුනත් කට්ටිය ටෙක්කතා එපිසොඩ් ටික බාගෙනනේ තියෙන්නේ. ඉතින් මේ බාගත්තු  ටිකෙන් ප්‍රයෝජන ගන්නනම් ටිකක් මහන්සිවෙලා බාගත්තු වෙබ් පේජ් ටික බල බල කාලය වැය කරල ගොඩක් ඒව අහන්න වෙනවනේ. මේ ඔක්කොටම ඕෆ්ලයින් විසදුමක් තමයි techkathaOfflinner සොෆ්ට්වෙයා එක. ඔයාලට එන ගැටලුව සර්ච් කරල එන විසදුම් ටිකෙන් අහන්න ඕන ප්‍රශ්න ටික සෙලෙක්ට් කරල ප්ලේ කරන්න විතරයි තියෙන්නෙ. අදාල Title ටික ඔටෝමැටිකලිම ප්ලේ වෙනව. සිම්පල්ද?

මාත් ඉතින් කැම්පස් කොල්ලෙක් වුනාට තාම ඩොන්ගල්නම් යාලුවන්ගෙ පිහිට තමයි නැත්නම් කැෆේ තමයි.. ඉතින් නෙට් ප්‍රශ්නේ මට තියෙන හින්ද හදාගත්තු සොෆ්ට්වෙයා එක තමයි මේ. ඉතින් කාත් එක්කත් බෙදාගන්න කියල ඔන්න දෙනව.

කොහොමද බාවිතාකරන්නෙ.  (How to Use It)
මේහෙමයි පහල download ලින්ක් එකට ගිහිල්ල techkatha_Setup.exe බාගන්න. ඊට පස්සෙ Install කරගන්න.( Install එකක් කරන ආකාරය දන්නෙ නැත්නම් මේ මත ක්ලික් කරන්න.)

Install කරද්දි F:\ ඩ්‍රයු එක පාත් එක ලෙස තෝරාගත්තොත් ෆුල් පාත් එක වෙන්නෙ F:\Techkatha කියන පාත් එකයි.
Install එකෙන් පස්සෙ ෆෝලඩර් එක මෙහෙම තමයි පේන්නේ.

දැන් ඔයාල බාගෙන තියෙන ටෙක්කතා එපිසොඩ් ඔක්කොම Episode කියල තියෙන ෆෝල්ඩර් එකට කොපි කරන්න. පස්සෙදි ඔයාලගෙ එපිසොඩ් වල නම් අදාල වැඩසටහනේ අංකෙන් නම් කරගන්න.
උදා :- Techkatha-EP77-RealAudio  කියන නම 77 ලෙස නම් කරන්න
(මෙහෙම කරන්නෙ එක එක එපිසොඩ් වල එක එක නාම කරනයන් තියෙන නිසා)

File ෆෝමැට් එක මොකක් වුනත් කමක් නෑ (mp3/ ram/ ogg).

තව මුලදි නාමකරනයේ තිබුන ගැටලුවට විසදුමක් ලෙස හදුන්වාදීමේ වැඩසටහන 1 ලෙසද නම් කරන්න දෙවන වැඩසටහන 2 ලෙස නම් කරන්න. එතකොට 6-7 කියල එක වැඩසටහනක් නොව 6, 7 කියල වැඩසටහන් දෙකක් නම් වෙයි. එතකොට 55-56 කියන වැඩසටහන 55 කියල නම් කරන්න.

හරි දැන්Setup එක ඉවරයි. (මරු Setup එක නේද ) දැන් techkathaOffliner එක අරගෙන (Start --> techkathaoffliner --> techkathaoffliner) තමාගේ ගැටලුවට අදාල කීවර්ඩ් ටික ඉංග්‍රීසියෙන් හෝ සිංහලෙන් ටයිප් කරල සර්ච් කරල බලන්න.
සර්චින් ඔප්ෂන් 2ක් තියෙනව "All Text", "Any Text" කියල. දෙකෙන්ම ට්‍රයි කරල බලන්න.

අහන්න ඕන කියල හිතෙන Title එක මත Double කිරීමෙන් හෝ එය සෙලෙක්ට් කර Enter Key එක Press කිරීමෙන් ඒ අදාල ප්‍රශ්නයේ විසදුමට සවන්දිය හැක.

සිංහල ටයිප් කරන්න Real Time Unicode Converter එක බාවිතාකරන්නත් පුලුවන්.
ඒ සදහා Serch Box එක තුලදී Ctrl + Enter key Press කරන්න.
සින්ග්ලිෂ් ක්‍රමයට ටයිප් කරල එන්ටර් කරල සර්ච් කිරීමටද එන්ටර් කරන්න.

ඊටපස්සෙ අදාල මාතෘකා ටික ආවම තමාට වැදගත් නැති මාතෘකා තියේනම් Select කරල ලිස්ට් එකෙන් ඩිලීට් කරල දාන්න.

දැන් මුල් මාතෘකාව සෙලෙක්ට් කරල ප්ලේ කරන්න. එතකොට අදාල විසදුම් ටික ප්ලේ වෙයි. ඔයාට
තියෙන්නෙ නිදහසේ අහගෙන ඉන්න විතරයි.

එහෙම නැත්නම් අදාල ටික Select කරල Play Selected දෙන්න. OK,

ඉතින් මේ සොෆ්ට්වෙයා එක දැන්යාලගෙ නිසා හොඳ/චෝදනා වගේම Error කොමෙන්ට් එකක් දාල එහෙම සප් එකක් දෙන්නකෝ. තව වැඩිදියුනු වෙන්න ඕන විදිය එහෙමත් කියන්නකෝ.

මුල් එපිසොඩ් වල කතා කරපු මාතෘකා වෙබ් පේජ් එකේ දාල තිබුනෙ පිලිවෙලට නෙවෙයි. මට ඒක මීටර් වුනේ පස්සෙදි. එක හින්ද සමහර ඒවගේ (Episode 5ක 6ක) ටයිම් එක වැරදියි. ඒවගේ මාතෘකාවට අදාල නැති දෙයක් කාතා කරන තැනක් සෙට් වුනොත් කමෙන්ට් එකකින් දන්වන්න.

සමහර එපිසොඩ් ෆෝමට් (ram)  File Play වෙන්න නම් VLC Player එක install කරල තියෙන්න ඕන.
ඒත් ප්ලේ වෙන්නෙ නැත්නම් මෙන්න මේ Real Alternativ Player එක Install කරල බලන්න.
(Rar Password = realalt122) (පාස්වර්ඩ් එක ෆයිල් එකේ නමමයි.)


වැඩසටහන් 21 සිට 46 දක්වා වැඩසටහන් වල දත්තනම් නෑ,  ඒ ටිකේ ටයිම් හදන්න තාම පටන් ගත්තෙවත් නෑ. එහෙම කිවුවට කීපයක කරන්න පුලුවන් වුනා. හැබෑයි ටයිමින් අදාල මාතෘකා එක්ක ගැලපෙනවද කියල බල එකම දේ Episode එකේ තැන් කීපයක කතාකරල තියෙනවද බලල නිවැරදිව දාන්නත් ඕනනේ. ඒ ටික දාලා Full Version එක ඉක්මනට දෙන්න ට්‍රයි කරන්නම්. ඒ වගේම episode 3ක් විතර අලුතෙන් එකතු වුනාම ඒවට අදාල Timing, Title සහිත Update එක ලබාදෙන්නම්.

Update කරන්න Update ෆයිල් එක බාගෙන Update Button එක ක්ලික් කරල Update ෆයිල් එක සෙලෙක්ට් කරල Open කරන්න එච්චරයි.

ඔයාලට යම් Episode එකක කන්ටෙන්ට් විතරක් ලෝඩ් කරගෙන අහන්න ඕනනම් Search Box එකේ අදාල Episode අංකය ටයිප් කරල Go to Episode Buttopn එක Press කරන්න .

Random QS කියන Button එක Press කලොත් ටෙක්කතාවල කතා කරපු දේවල් වලින් ටිකක් Randomly තෝරාගෙන ඔබට ඉදිරිපත් කරනව.

Portable Software එකක් තමයි ඔයාලට දෙන්න හිතාගෙන හිටියෙ. ඒත් Windows 7 වල ආපු Error කීපයක් හදන්න කල්යයි වගේ. විශ්ව විද්‍යාල ආචාර්ය වරුන්ගේ වැඩවර්ජනය ඉවරවෙලා ලබන සදුද විතර කැම්පස් පටන්ගන්න නිසා තව වැඩ ගොඩගැහෙයි. ඒ  හින්ද Setup එක හනික හදල දැම්ම.

New Idea.
කට්ටිය ටෙක්කතා එපිසොඩ් අහන්නෙ ෆෝන් එකට දාගෙන යන එන ගමන් නේ. ඉතින් මේ වගේ වැඩසටහනක් ෆෝන් එකටත් තිබුණොත් ටෙක්කතා පෝර්ටබල් කරන්න පුලුවන්. ඒකත් මට කරන්න පුල්වන් වුනානම් ආසයි, සතුටුයි(මමයි කලේ කියන්න නෙවෙයි, දැණුම තිබීම ගැනයි සතුටු වෙන්න තිබ්බෙ. ) ඒත් මට එකනම් බෑ. මේ ටික කලෙත් කෝස් එහෙම කරල නෙවෙයි. ගූගල් දෙවියන්ගෙ පිහිටෙන්. මම ඉතින් පිසිකල් සයන්ස් නේ. ඒ හින්ද පුලුවන් කාටහරි ආරාධනා කරනව වැඩේ බාරගෙන කරන්න කියල. නමුත් 2GB විතර ඉඩක් යන හින්ද කට්ටිය කැමතිද දන්නෙ නෑ නේ. හැබැයි amr/3gp Format  එකට කන්වර්ට් කලොත් 50mb දක්වා විතර එපිසොඩ් වල සයිස් එක අඩු වේවි. ෆෝන් සොෆ්ට්වෙයා එකකුත් තියේනම් හොඳයි කියල හිතෙන කට්ටිය ඉන්නවනම් කමෙන්ට් කරන්න කෝ. එතකොට පුලුවන් කෙනෙක් මුල් වෙලා වැඩේ ගොඩදායි. මගේ වැඩසටහනට මම හදපු ඩේටබේස් එක යූස් කරන්න පුලුවන්,  අඩුපාඩු ඉවරයක් කරල ෆුල් රිලීස් එක දෙන කොට Database ඒකත් දෙන්නම් කෝ.


බලාපොරොත්තුව...
 විශේෂය තමයි මම VB Programing ඉගෙන ගත්තේ පොත්,සීඩීස්,ඉන්ටර්නෙට් ෆලෝ කරල. කොම්පියුටර් කෝස් එකක් දෙන්න ඔයාලගෙ දෙමව්පියන්ටත් හැකියාවක් නැත්නම් කනගාටු වෙන්න එපා. මගේ ක්‍රමේ ගොඩක් හොදයි. හැබැයි ඉතින් කලය නම් ටිකක් වැඩිපුර වැයකරන්න වෙනව. ඒක ගනන් ගන්න එපා. මම මේ ප්‍රොජෙක්ට් එක කරන්න ගිහින් ගොඩක් දේවල් ඉගෙන ගත්ත. VB වලට කොහොමද සිංහල යුනිකෝඩ් බාවිතා කරන්නෙ. ඩේට බේස් යූස් කරන ආකාරය.
ඒ වගේම හොදම සර්චින් ඇල්ගොරිදමයක් නෙට් එකෙන් හොයාගන්න කාලය වැය කලා. තව ඩේට බේස් එක හදන්නත් කලය ගොඩක් වැය කලා. මොකද මුල් එපිසොඩ් 46යේම ටයිම් තිබුනෙ නෑ. ඉතින් මම මේ ඉගෙනගත්තු දේවල් යොදාගත්තු Resource එක්ක පෝස්ට් ටිකකුත් දාන්න බලාපොරොත්තු වෙනව. ඒක VB ඉගෙන ගන්න ආස අයට ප්‍රයෝජනවත් වෙයි.

ස්තුතිය
ඒ වගේම මට මේ දේ කරන්න ගොඩක් අයගෙන් උදව් ලැබුන. විශේෂයෙන් ටෙක්කතා නිර්මාණය අයියලාට. ටෙක්කතා ගෘප් එකට. බ්ලොග් කරුවන්ට (ඔවුන්ගෙන් ගොඩක් දේවල් ඉගෙන ගත්ත. ) තව රුහුණ ව්ශ්ව විද්‍යාලයේ පරිඝනක ලෙක්චර්ස්ලටත් ස්තුතියි. මම පිසිකල් නිසා කැම්පස් එකෙන් ඉගෙන ගත්තු දෙවල් ටික වුනත් බොහොම වැදගත් වුනා.  දෙමවුපියන්ටත් පවුලේ අයටත් ඒලෙස උදවු කරපු කාටත් බොහොම ස්තුතියි බොහොම පිං.

ප්‍රාර්තනය !
ඒ වගේම ටෙක්කතා  කමියුනිටි එක කවුරුත් එක්ක එකතු වෙලා දියුණු කරමු.
අපේ රටේ ලොකු තාක්ෂනික දියුණුවකට අඩිතාලම ටෙක්කතා කමියුනිටි එක කරමු.
ඒ සඳාහා එක සිතින් සුබ පතමි!

ෆේස්බුක් පැත්තට යං එනවාද.




මේ techkathaOffliner එකට හදපු බැනර් එක කැමතිනම් ඔයාලගෙ බ්ලොග් එකට දාල සප් එකක් දෙන්න පුලුවන්.

<a href="http://namalyaya.blogspot.com/2011/07/techkathaofflinner.html" alt"NamalYaya" target="_blank"><img src="https://blogger.googleusercontent.com/img/b/R29vZ2xl/AVvXsEhW9IRxEkWalROwq1w0ib-curK6rJklGhwuEGVtgEYa0Sa9YcHs6q1mG4cNP7ONKPUNVsHDYZYlV-iarceQ8N_ExFQ2ZMMzEomCX8MtDbYWEEr-hEt67ov9FRt3ldD6zfHMooReI6tXIWd6/s320/new.gif" /></a>

Comment එකක් දාන්න අමතක කරන්න එපා යාළු.
(Disqus වලින් Comment කරන්න දන්නෙ නැද්ද.)
Thanks.

ප.ලි 
techkathaOffliner Portable වැඩසටහන දැන් ඔයාලට ඩවුන්ලෝඩ් කරගන්න පුලුවන්.




ටෙක්කතා 100යෙම Data සහිත Update එකත් ගන්න.


ටෙක්කතා 100ම බාගන්න.

Read More

ටෙක්කතා; වැදගත්ම ලිපියට කලින්

වැදගත්මදේ පටන්ගැන්මෙදි කියන්නම් කෝ කොහොමඳ මම ටෙක්කතාගැන දැන්ගත්තෙ කියල.
ඒ වකවානුව මම උ/පෙ කරල ඉවරවුනා විතරයි. උ/පෙ කරන්න කලින් ඉලෙක්ට්‍රොනික් ගැන් පුදුම උනක් තිබ්බ.
ඒත් උ/පෙ ට මහන්සි වීමත් එක්ක උන බැහැලයි තිබ්බෙ. දවසක් විදුසර බලනකොට දැක්ක මොරටුවෙන් සංවිදානය කරපු ඉනෝමෙච් නව නිපැයුම් තරගයක් ගැන.
ඉලෙක්ට්‍රොනික් උනන්දුව අඩුවෙලා තිබ්බ නිසා අතාරින්නත් හදල තරඟයෙන් තෝරගත් පිරිසකට මොරටුවෙ බාහිර පාඨමාලා නොමිලෙ කරන්න දෙනව කියල තිබ්බ නිසා පොඩි ආසාවක් ඇතිවුනා.
කොහොම හරි කලින් තිබ්බ අයිඩියා එකක් මාසයකටත් අඩු කාලයකින් එහෙන් මෙහෙන් අමුනගෙන තරගෙට රෙඩි වුනා.

කොහොම හරි තරඟය තියෙන දවස්වලම ඉ-ආසියා ප්‍රදර්ශනයත් තිබ්බ නිසා කොලඹ යන්න තියෙන එපාවීම අඩුකරන හොඳ සාදකයක් වුනා.
ඉ-ආසියා එක අවසන්වන දවසෙ තමයි මම කොලොඹ ගියේ. නෑදෑගෙදරකට තමයි ගියේ.
එහේ කවුරුවත් ප්‍රද්‍රශනේ ගැන උනන්දුවක් නැතිනිසා මට තනියම තමයි බි.ම්.අයි.සී.එච් යන්න වුනේ.
තනියම නිසාත් ප්‍රදර්ශනයේ ගොඩක් තැන්වල විස්තර කරන කට්ටිය  යූස් කලෙත් ඉංග්‍රීසි නිසාත් (මේ ගැනනම් රසවත් ලිපියක් පසුවදානම්කො ) වැඩි තැන්වල රැදීහිටියෙ නෑ.
කොහොම හරි ටෙක්කතා ප්‍රදර්ශන කුටිය ලඟටත් ලඟාවුනා. කම්පියුටර් දෙකක් සහ බලන්න ආපු කෙනෙක් සමග කතා කරන අයියල දෙන්නෙක් හිටිය.
පොඩ්ඩක් බැලුව ඇති දෙයක් නෑ වගෙ. යන්න කියල හදනකොටම බලන්න ආපු කෙනෙක්ට පාරිගනකයකින් රිමූවු කරල පෙන්ඩ්‍රයු එකක් දුන්න.
යොකෝ පෙන්ඩ්‍රයු නිකන් දෙන තැනවත්ද කියල පොඩ්ඩක් ආපහු හැරිල කට්ටියගෙ ලගට ඇවිත් බැලුව.
අහන්නත් ලැජ්ජයි වගේ හැබැයි ඉතින් ඔයිට වඩා චාටර් වැඩ එතෙන්දිම වුන නිසා ඇහුව "අයියේ මොනවද ඒ දුන්නෙ කියල".

ඉතින් පොඩි විස්තරයක් අහගත්ත. එතකොට මට හිතුනෙ පරිගනක ගැන ඔහොමත් ලෙහසියෙන් ඉගෙන ගන්න පුලුවන්ද කියල.
ඒ ගෑන විශ්වාසයක් නැතිවුන හින්ද වැදගත් දේයක් නම් නෙවෙයි වෙන්න ඇති කියලයි හිතුන. එහිනද නොගෙන ඉන්නත් හදල ඉලෙක්ට්‍රොනික් දේවලුත් කතාකරල තියෙනවද කියල ඇහුව.
පොඩ්ඩක් විතර කතාකරල තියෙනව කියල තිබ්බ නිසා කමක්නෑ දාගෙන යනව කියල හිතල මටත්දාල දෙන්න කියල කිවුව මතකයි.
ඒ වෙලාවෙම තමයි මම සිංහල බ්ලොගර් ගැන දැනගත්තෙත්. පස්සෙදි ටෙක්කතා ටික ඇහුවම තමයි මට තේරුනේ පරිගනකනම් ගොඩක් දුරට තනියම ඉගෙන ගන්නත් ලේසියි කියල.
ඒ දැනගත්ත දේවල් වලින් මම අද ගොඩක් ඉදිරියෙන් කියල මම හිතනව.

ටෙක්කාතා හා ගෲප් එකේ වැදගත්කම ඊටත් වැඩියි. මොකද මට ඉංග්‍රීසියෙන් හිතන බැරිවුනත් ගොඩක් ටෙක්නිකල් ඉංග්‍රීසි ලිපිනම් අමාරුවෙන් හරි කියවල තේරුම් ගන්න පුලුවන්.
එතෙන්දි ඕනකරන ලිපි හොයාගන්න කීවර්ඩ් හිතාගන්න ටිකක් අමාරුයි. මෙතෙන්දි ආයෙත් ටෙක්කාතා හා ගෲප් එක වැදගත් වෙනව.
එවගෙ පොඩිතැනක් අල්ල ගත්තම ඇති. කීවර්ඩ් ගෑන කියනවනම් මම අවුරුදු කීපයකට කලින් ඉලෙක්ට්‍රොනික් පරිපථ සටහන් හොයාගන්න ඉන්ටර්නෙට් කැෆේ  ගියාම හිස් අතින් තමයි එන්නෙ.
මොකද මම සර්ච් කරන්නෙ Electronic Circuit කියල. ඒත් රිසාලට් එකේ තියෙන්නෙ විකුනන තියෙන රෙඩියෝ, ටීවී වගේ දේවල්.
කොහොමහරි මේකට විසදුම් මම පාසලේ පරිගනක සර්ලගෙන් පවා අහල තියනව. ප්‍රතිඵල නැති නිසාම වැඩේ අතඇරල ඉන්න කොට බුක්ෂොප්
එකක තිබුණ පොතක තිබුණ Electronic Circuit Diagram කියල. මට හිතුන ඒක සර්ච් කරල බලන්න. අන්න ඒකනෙ කීවර්ඩ් එක.
ඉලෙක්ට්‍රොනික් පරිපථ ගැන සෑහෙන දේවල් ඒ විදියට හොයාගන්න පුලුවන් වුනා. ඒත් එතකොට උ/පෙ කරන කාලේ. මේ ප්‍රතිපලේ කලින් හොයාගන්න පුලුවන් වුනානම්.

ඔයවගේ වැදගත් ගොඩක් කීවර්ඩ් මට ටෙක්කතා නිස හොයාගන්න පුලුවන් උනා.
ඉතින් ටෙක්කතා කරන අයියලාටත්. ගෲප් එකේ පිලිතුරු දෙන කාටත් හා සිංහල බ්ලොග් ලියන කාටත් බොහොම පිං.

ඉතින් ලිපිය දිගවුන හින්ද ඉ-ආසියා අත්දැකීමයි ඉනෝමෙච් ගැන්යි ඒ ගමනෙදි සෙට් වෙච්ච  ශිෂත්වයක් ගැනත් (ඒකනම් ඉගෙන ගන්න කාටත් වැදගත් වෙයි.) වෙනමම කියන්නම් කෝ.
ඇත්තටම මම ඒ කොලඹ යෑමනම් ටෙක්කතා හා සිංහල බ්ලොගර් ගැන දැනගන්නම තමයි ගිහින් තියෙන්නෙ.
මොකද කරපු හැම වැඩක්ම චාටර් වුනා. ඉනෝමෙච් එකනම් මම ගියපු කම්පෙටිෂන් වලින් එපාම වෙච්ච එක කීවොත් නිවැරදියි.

වැදගත්ම දේ කියන්නම්, මම ඊලඟ ලිපියෙන් එන්නෙ ටෙක්කතා ගැන කාටත් බොහොම වැදගත්, ප්‍රයෝජනවත් ලිපියකින්. 
ඉතින් එතකන් ඔයාලට පුලුවන් ඒ මොකක් වෙයිද කියල අනුමාන කරල ඩිස්කස් කරන්න. බලමු කවුද හරියට ගෙස් කරන්නෙ කියල.
(tchkathaOff.....)

Read More

ඔන්න යාලුවනේ මමත් දැන් කැම්පස්.

දාන්න කියල ලැහැස්ති කරගෙන හිටිය ලිපි ටිකක් අවුස්සනකොට මෙ ලිපියත් දකින්න ලැබුන. බලනකොට මේ ලිපිය මම ඔයාලට පොස්ට් කරල නැහැ නේ. එක හින්ද ඔන්න දැන් දානව. හැබැයි ඉතින් දැන් මම කැම්පස් ගිහින් මස 8ක් විතර වෙනව :-)  :-)  :-)
( තාම ඩොන්ගල් එකක් නම ගන්න බැරිවුනා )

ඔන්න එහෙනම් ඒ පෞරාණික ලිපිය.

"ඔන්න යාලුවනේ මමත් දැන් කැම්පස්. බෝට්ටුවක එල්ලිලා තමයි. දැන් ඇකඩමික් පවා පටන් ගෙන තියෙන්නෙ.
කියන්න කියල පෝස්ට් එක ලියල තිබුනත් දාන්න වුනේ නෑ. දැන්නම් ඩොන්ගල් එකක් ගන්න ඕන.
නැතුවනම් බෑ. කියන්න බැරි වුනානේ කැම්පස් එකනම් රුහුණ. Science Faculty එක. රැග් එකනම් නෑ.
ඒවුනත්...... ඒවුනත් කියපුව පසුව පෝස්ට් එකක දාන්නම්කෝ. කොහොම වුනත් කැම්පස් ජීවිතේ
තියෙන ආතල් එක ගන්න ලැබුන එකනම් වාසනාවක්. ඊටත් වඩා කැම්පස් නාවනම් ඉතින් තාත්තත්
එක්ක කුලී වැඩක් කරන් ඉන්න තමයි වෙන්නෙ.

ඩොන්ගල් එකක් ගත්තො නම් ක්‍රියාකාරිව බ්ලොග් එක කරන්න ටෙක්කතා වලට සහභාගිවෙන්න
ආසවක් නම් තියෙනව. බලමු ඒ අභියෝගය ජය ගන්න පුලුවන්ද කියල. කැම්පස් නොගියත් පරිගනක
සහ ඉලෙක්ට්‍රොනික් ක්ෂේස්ත්‍රය කුලීවැඩ කරල හරි ජය ගන්න අධිශ්ඨානයක් තිබ්බ. ඒකට අලුත්
අයිඩියා කීයපයකුත් මට තිබ්බ. ඉතින් කැම්පස් යන්න බැරිවුන අයට මම කියන්නෙ තමන්ගෙම කියල
නව සංකල්පනා ටිකක් සොයාගන්න. ඒ වෙනුවෙන් වෙහෙසී වැඩ කිරීමට අධිශ්ඨාන කරගන්න. කාටත්
සුබ අනාගතයක් වේවා!"

Read More

ඔටෝ අප්ඩේට් නවත්ත ගත්තෝ.......

ඔන්න ඉතින් නාමල් යායෙ ඉදගෙන නමල් කොලුවත් 4න් කට්ටක් හොයාගෙන රු 100 එහෙම දාගෙන වීක්ලි ඩිලයිට්
ඇක්ටිව් කරගෙන යන්න ගියේ නැතෑ ඉන්ටර්....නෙට්. ඊමෙල් එහෙම පීසී එකට බාගන්න ක්‍රමයකුත් හදාගෙන ඊමේල්
ටික අප්ඩේට් වෙන්න දැම්ම. ඊමේල් 140ස් ගානක් තිබුණ. ඒත් 90 ගනන් වලදි විතර ඊමේල් කීපයක් ඩවුන්ලෝඩ්
වෙන්න වෙලාව ගතවුනත් එච්චරම හිතන්න ගියේ නෑ. කොහොම වුනත් 120 ගනන් වෙනකොට ඊමේල් ඩවුන්ලෝඩ්
වෙන එක නැවතුනා. මම හිතුවෙ ඩිස්කනෙක්ට් එකක් වෙන්න ඇතිකියල නැවත්තත් කනෙක්ට් වෙන්න ගියාම මෙන්න
යූසේජ් එක විදියට 200mb ම පෙන්වනව. යකෝ නෙට් එකෙන් කරගන්න හිතපුවාගෙන් බාගයක්වත් කරගන්න
බැරිවුනානේ. සැකයක් ඇතිවුනේ ඔටෝ අප්ඩේට් එකට බැලුවම හරි ගෙම වෙලා තියෙන්නෙ එකෙන් තමයි. ඔටෝ
අප්ඩේට් ඩිසේබල් කලා. දැන් ඉතින් සල්ලිත් ඉවරයි මොනව කරන්නද බාගත්තු ඊමේල් ටිකවත් බලනව. බලාගෙන
බලාගෙන යනකොට මෙන්න ඊමේල් 2ක 3ක් තියෙනව එකක ස්යිස් එක 30mb තවත් එකක 42mb අම්මෝ තරු
පෙනුන. වින්ඩෝස් ඔටෝ අප්ඩේට් එකට බැන බැන හිටියෙ පවු වින්ඩෝස්ල. බැලුව ඊමේල් ටික වැදගත් ඒව ටිකක්වත්ද

කියල. මලලසේකරයි මගේ යාලුවෙක් උගේ කැම්පස් ට්‍රිප් එකක පොටෝස් ටිකක් නෙවෙයි ගොඩක් එවල. පිස්සු
හැදෙයි අමාරුවෙන් රු 100 හොයාගත්තෙ. ඌ ලඟ හිටියනම් ගහනව පොලවෙ මගේ මොකක් හරි මල්පෝච්චියක්.
ඌට ගහන්න බෑනේ. කොහොමහරි දවස් දෙකකින් විතර රු 50ක් හොයාගෙන ගියා නැවතත් ඉන්ටර්නෙට්. ඉතිරි
ඊමේල් ටික ගන්නත් ඕන. දැන් යූසේජ් එක දිහා බලාගෙන ඊමේල් බානව මොකද ලොකු ෆයිල් එකක් තිබ්බොත්
ස්කිප් කරන්න් බලාගෙන්. ටික වෙලාවයි ගියේ මෙන්න යූසේජ් එක හැටට හැටේ යනව. ඊමේල් ඩවුන්ලෝඩ් කරන
එක නැවැත්තුවත් එහෙමමයි. හනිකට ඩිස්කනෙක්ට් කරා. බැලුව ඔටෝ උප්ඩේට් පැත්ත. ඒක ඩිසේබල්. රෙග් එඩිට්
ගයිඩ් එකක් බලාගෙන රෙග් එඩිටින් කිපයකුත් කරා. ඒවගෙ පින්තූර ටිකකුත් දැම්ම ඔන්න ඔයාලට උදව්වක් පිනිස,
හරිය.








ආයිත් කනෙක්ට් කරල බැලුව මෙන්න ටික වෙලාවකින් ආයිත් හැටට හැටේ. හනිකට ඩිස්කනෙක් කරා.
ටාස්ක් මැනේජර් එකෙන් අනවශ්‍ය ප්‍රොග්‍රෑම් ටික කිල් කරල ඒක දිහා බලාගෙන නැවතත් කනෙක්ට් කරා. මෙන්න

බොලේ ප්‍රොග්‍රෑම් එකක් එකපාරටම ඇවිත් නැතිවෙලා යනව. එතකොටම තමයි හැටට හැටේ වෙන්නෙ. ආයිත්
ඩිස්කනෙක්ට් කරල ඇඩ්වාන්ස් ටා.මැ එකකින් බලාගෙන කනෙක්ට් වුනා. අර ප්‍රොග්‍රෑම් එක රන් වෙන පාත් එක
බැලුව බුදුඅම්මෝ එකෙ දිග. පුලුවන් තරමක් මතක තියාගෙන බැලුව. මෙන්න පාත් එක.
මෙකෙන් රන් වෙන්නෙ වින්ඩෝස් ඔටෝ අප්ඩේට් එක, හරිය.

C:\WINDOWS\SoftwareDistribution\download\...............

මම මේ ෆෝල්ඩර් එකම ඩිලීට් කරා(400/ම්බ් විතර තිබුන ).මේ පාත් එක ගොඩක් දිගට තව තිබුන,
අන්තිමට download\...............exe එකකින් තමයි ඉවර
වුනේ. නමුත් Data වැය වෙන හින්ද තියෙන කලබලේට අර exe එක මොකක්ද කියල බල බල ඉන්නෙ නැතිව ෆෝල්ඩර් එකම ඩිලීට් කලා. ආපහු කනෙක්ට් වුනා යන්තම් ඇති ඒ 50/ම්බ් එක ඉවර වෙන්න කලින් ගේම ඉවර කරා. අර ෆෝල්ඩර්
එක ඩිලීට් කල හින්ද මැෂින් එක රීස්ටාට් කරලත් බැලුව. එල එල දැන් ඉතින් බයවෙන්න දෙයක් නෑ.

මට හිතෙන හැටියටනම් ඔටෝ අප්ඩේට් නවැත්තුවත් ඒක වෙන්න ඇත්තෙ මම ඉස්සෙල්ලම ඉන්ටනෙට් කනෙක්ට්
වෙන වෙලාවෙ එම ඔප්ෂන් එක ඇක්ටිව් වෙලා තිබුන හින්ද වෙන්න ඇති.

නමුත් ඉතින් මට තියෙන ප්‍රශ්නෙ දැන් ඔටෝ අප්ඩේට් වින්ඩෝස් කොපි වලටත් දෙනවද කියල?

Read More

පේටන්ට් බලපත්‍රයක් ගන්න ආකාරය

Post එකක් දාන්න දෙයක් කල්පනා කර කර ඉන්නකොට මතක් වුන දෙයක් නෙවෙයි මේක. 

මම මේ අත්දැකීම විදිද්දි මට හිතුන මේ ගැන හරියාකාරව දැනසිටියනම් කොච්චර පහසුද කියල.

ඉතින් පේටන්ට් බලපත්‍රයක් ගන්න ආකාරය ගැනකියන කොට ඉස්සෙල්ලාම දැනගන්න ඕනෙ 

කොහෙන්ද මේ බලපත්‍ර දෙන්නෙ කියල. ජාතික බුද්ධිමය දේපල කාර්යංශය(NIPO) මගින් තමයි පේටන්ට් 

බලපත්‍රයක් ගන්න පුලුවන් වෙන්නෙ.

මේ ආයතනයෙන් තව වෙළඳ සංකේත රෙගිස්ටර් කිරීම සහ අනෙකුත් බුද්ධිමය දේපල සම්බන්ද 

කටයුතුද කරනු ලබයි.

 මේ ආයත්නයේ කර්යාලය තියෙන්නෙ මරදානෙ ගාමිණී හෝල්

 හන්දිය කියන ස්ථාන්ය අසල පිහිටා ඇති සමාගම් මැදුර කියන මහල් ගොඩ්නැගිල්ලෙ තමයි.  

හොද්යි කියන්න තියෙන විශේෂම දේ තමයිපේටන්ට් බලපත්‍රයක් ගන්න, තමාගේ අදහස නිර්මාණ කිරීම කලයුතුම නෑ. අදහස පැහැදිලිව ඉදිරිපත් කිරීමයි වැදගත් වෙන්නෙ. තමන්ට නවනිපැයුමක් පිළිබදව අදහසක් පැමිනි පසු එය ඇත්තටම නව නිපැයුමක්ද කියන ප්‍රශ්නය තමයි ප්‍රධාන වෙන්නෙ. 

මේ බව තහවුරු කර ගැනීමට ඔබට පුලුවන් ඉහත සඳහන් කල ආයතනයට ගොස් රු.350/= පමණ මුදලක්  බැඳ NIPO ආයතනයේ තොරතුරු පිරික්සීමට මෙන්ම අනෙකුත් උපකාරද ලබාගත හැක.තොරතුරු පිරික්සීම් සඳහා ඔබට ඔවුන් උදව් කරනු ලැබේ.

එසේම එම ආයතනයට නොගොසින් ඔබට පේටන්ට් බලපත්‍ර පිළිබඳ තොරතුරු ඇති වෙබ් සයිට් වලින් 

තමාගේ නිර්මාණය නව නිපැයුමක්ද කියල දැනගන්න පුලුවන්. නමුත් මේ වෙබ් සයිට්වල තොරතුරු 

සොයාබැලීම කොපමන දුරට ආරක්ෂිතදැයි කියන්න නම් දන්නෙ නෑ. නමුත් මට මේ ලින්ක් ටික ලබා 

දුන්නෙ ජාතික විද්‍යා පදනමේ මහාචාර්ය වරියක්. නමනම් දැන් මත්ක නෑ. ඒ මැඩම්ට ස්තුති වෙන්න 

ඕන ඒත් නමනම් දැන් මත්ක නෑ.

http://namaljayathunga.blogspot.com/2011/07/how-do-you-know-your-invention-is-new.html

ඔබට NIPO ආයතනයෙන් පේටන්ට් බලපත්‍රය ගැනීමට අයදුම්පත්‍රයක් 

ලබාගතහැකි අතර පහත සඳහන් ලිපිනයෙන්ද ගතහැක. ඔබගේම නිර්මාණයකට පේටන්ට් බලපත්‍රය 

ගන්නේනම් එහි සියළුම තොරතුරු පිරවීමට අවශ්‍ය නොවන අතර මගේ දැනුම අනුව පිරවීමට අවශ්‍ය 

නොවන තොරතුරුවලට අදාල අංක පහත සඳහන් කර ඇත.

v,   vii,   ix,   x, and   xi

පේටන්ට් බලපත්‍රය ගැනීමේදී මුදල් බැදීමටද ක්‍රම කීපයක් ඇත.

ඉල්ලුම්පත් ගාස්තුව 

01.ශිෂ්‍යයන් සඳහා රු1,000/= 

02.තනි තැනැත්තකු සඳහා රු.2,500/= 

03.වෙනත් රු.6,000/= ලෙස ගෙවිය යුතුය.

එසේම සියළු දෙනාම සොඅදිසි වාර්තාව සඳහා රු.1,000/= ක මුදලක් ගෙවිය යුතුය.

තවද වැට් බද්ද ලෙස 15% ක මුදලක් ද ගෙවියයුතුය. ඒ අනුව ශිෂ්‍යකු සඳහා මුළු මුදල 

ලෙස රු 2,300/= ක මුදලක් ගෙවිය යුතුය.(මට ආරංචි වුන පරිදි ඉස්සර මේ වැඩේට 

රු 20,000 ක් පමණ ගෙවීමට සිදුවී ඇත)

සෝදිසි වාර්තාව කියන්නෙ මොකක්ද දන්නවද අපගෙ අදහස ඇත්තටම නව නිපැයුමක්ද කියල 

සොයාබලල දෙන වාර්ථාවට තමයි එහෙම කියන්නෙ. ඒ හින්ද අපගේ අදහස පිළිබඳව නිවැරදි, පැහැදිලි 

වාර්තාවක් අප විසින් ඉදිරිපත් නොකලොත් සෝදිසි කරන්න විසින් අපගේ වාර්තා අයදුම්පත ප්‍රතික්ෂේප 

කලහැක. නමුත් එසේ කරන්නට පෙර අපගේ අඩුපඩු සකස් කරන ලෙස ඔහුවිසි කියන්නටද ඉඩතිබේ. 

කෙසේ හෝ අයදුම්පත ප්‍රතික්ෂේප වුවහොත් ඔබට අභියාචනාවක්ද ඉදිරිපත් කලහැකිය. ඔබගේ අදහස 

සඳහා පේටන්ට් ලැබී ඇත්නම් ගැසට් පත්‍රයක් මගින් ප්‍රසිද්ධ කරන අතර ගැස්ට් පත්‍රය ඔබගේ නිවසටම 

ලැබෙනු ඇත. පේටන්ට් බලපත්‍රය ප්‍රතික්ෂේප වී ඇත්නම් එයද දන්වනු ඇත. ගැස්ට් පත්‍රය මගින් ඔබට 

පේටන්ට් බලපත්‍රය ලැබෙනබව දන්වා ඇත්නම් මාස 3ක් ගෙවීගිය පසු ඔබේ නිවසටම පේටන්ට් බලපත්‍රය 

ලැබෙනු ඇත.

දන්නවද පේටන්ට් බලපත්‍රය අයිති කෙනාට විශ්වවිද්‍යලයට පිවිසීමට z අගය සඳහ 0.2ක ලකුණු ප්‍රමානයක්ද 

ලබාගතහැක (0.2 කුඩා අගයක් වුනාට z අගයට එකතුවනවිට එය විශාල ලකුණු ප්‍රමානයකි.)

ඉතින් අවසානයේදී කියන්න තියෙන්නෙ මට පේටන්ට් බලපත්‍රය ගැනීමට උදව් කල ජාතික විද්‍යාපදනමේ 

අචාර්ය්‍ය තමරා ඩයස් මහත්මියටත්, NIPO ආයතනයේ සියළු දෙනාටත් මගේ ස්තුතිය පුදකරන බවයි. 

(මම පේටන්ට් බලපත්‍රය ගන්න ගියේ හම්බන්තොට සිටය. ඉතින් කාපු කට්ට ගැන කියනවනම් ඉතින් 

තව බ්ලොග් එකක් ලියන්න වෙනව.)  

මෙන්න NIPO ආයතනය සම්බන්ධ කරගන්න පුලුවන් ක්‍රම ටික.

ලිපිනය:-

         "සමාගම් මැදුර", 

         3වන මහල, අංක 400, 

         ඩී.ආර්.විජයවර්ධන මාවත, 

         කොළඹ 10.

Tel:  011-2689368, 011-2688768, 011-2669180.

Fax: 011-2689367

E-mail: nipos@slt.lk

web : www.nipo.gov.lk

Read More